“mobineX-ის რომელი პაკეტი გამოგადგება მივლინებაში”

mobineX-ი თავის აბონენტებს მრავალფეროვან არჩევანს სთავაზობს. ჩვენი ინტერნეტ პაკეტები სხვადასხვა საჭიროების მომხმარებელზეა მორგებული. შენი მაქსიმალური კომფორტის უზრუნველსაყოფად ვცდილობთ ყველაზე ოპტიმალური ტარიფებით გაგიმარტივოთ საზღვარგარეთ გატარებული დღეები. ცხადია, როუმინგ ინტერნეტი მივლინებაში ყოფნის დროსაც აუცილებლად დაგჭირდება, რათა ოჯახის წევრებთან, მეგობრებთან და თანამშრომლებთან კონტაქტი შეინარჩუნო, თვალი ადევნო მიმდინარე მოვლენებს და მუშაობის პროცესში ხელი არ შეგეშალოს. ეს მხოლოდ მცირე ჩამონათვალია იმ გრძელი სიიდან, რაში შეიძლება დაგჭირდეს მივლინებაში ყოფნის განმავლობაში მობილური ინტერნეტი. დღევანდელ ბლოგში კი დაგეხმარებით აარჩიო, mobineX-ის რომელი ტარიფი იქნება შენთვის საუკეთესო არჩევანი. 

რა ფაქტორებს უნდა მიაქციო ყურადღება

სანამ გადაწყვეტილებას მიიღებ, პირველ რიგში, საკუთარ საჭიროებებზე დაფიქრდი. მას შემდეგ, რაც ქვემოთ ჩამოთვლილ კითხვებს გასცემ პასუხებს, არჩევანიც თამამად შეგიძლია გააკეთო. 

სად მიემგზავრები?

თვალი გადაავლე mobineX-ის შეთავაზებებს იმის მიხედვით, თუ რომელ ქვეყანაში აპირებ გამგზავრებას. ჩვენს სამოგზაურო პაკეტების კატალოგში ქვეყნებისა და რეგიონების მიხედვით მარტივად იპოვი შენთვის სასურველ ლოკაციას. შეგიძლია, კონკრეტულად ამ ადგილისთვის შესაბამისი ინტერნეტ პაკეტი შეიძინო. 

რამდენ ხანს გაგრძელდება მივლინება?

იმის მიხედვით, თუ რამდენი ხნით აპირებ საზღვარგარეთ დარჩენას, შეგიძლია, შეიძინო 3, 7, 14, 15 30-დღიანი როუმინგ ინტერნეტი. სურვილის შემთხვევაში, ულიმიტო პაკეტით სარგებლობასაც შეძლებ. ამ შემთხვევაში, მივლინებაში ყოფნის პერიოდს მონიშნავ და ამ დროის განმავლობაში აღარ მოგიწევს MB-ების კონტროლი. საზღავრგარეთ ყოფნისას ულიმიტო ინტერნეტი გექნება და შესაბამისი დღეების მიხედვით გადაიხდი. დაფიქრდი, რომელი ვარიანტი იქნება შენთვის ყველაზე კომფორტული და შეღავათიანი.

ძირითადად რა დანიშნულებით გამოიყენებ ინტერნეტს?

კიდევ ერთი მნიშვნელოვანი კითხვა, რომელიც აუცილებლად უნდა დაუსვა საკუთარ თავს, არის - ძირითადად რა დანიშნულებით გამოიყენებ ინტერნეტს. შეტყობინებების გასაგზავნად; ზარების განსახორციელებლად; მუშაობის მიზნით; უცხო ქუჩებში ნავიგაციისთვის; სოციალურ მედიაში შთაბეჭდილებების გასაზიარებლად თუ კიდევ რაიმე სხვა მიზნით? შენი საჭიროებების მიხედვით, MB-ების შესაბამისი რაოდენობა შეგიძლია შეიძინო. თუ მივლინებისას საქართველოში დარეკვა დაგჭირდა, ესეც არ არის პრობლემა. mobineX-ის აპლიკაციიდან ზარების მიღება-განხორციელებაც შესაძლებელია, არა მარტო ქართულ მობილურ ოპერატორებთან და ფიქსირებულ ნომრებზე, არამედ - საერთაშორისო მასშტაბით.

mobineX-ის სამოგზაურო ინტერნეტ პაკეტები

mobineX-ი გთავაზობს ფიზიკურ  SIM და eSIM სამოგზაურო ინტერნეტის პაკეტებს, რომლებიც შექმნილია მოგზაურებისა და ტურისტებისთვის მთელ მსოფლიოში. შენ შეგიძლია ისარგებლო საუკეთესო ინტერნეტით მსოფლიოს მასშტაბით, ხოლო იმ ქვეყნებში, სადაც არის 5G სიხშირე, ჩვენი მომსახურებაც ამ სიხშირეზე იმუშავებს. რეგისტრაცია უმარტივესია - ჩვენს ვებგვერდზე ირჩევ სასურველ პაკეტს და იხდი MasterCard/VISA ბარათით.

• პაკეტების გააქტიურების ზუსტ ინფორმაციას ნახავ პაკეტების აღწერაში;

• პაკეტი შეგიძლია შეარჩიო როგორც კონკრეტული ქვეყნის, ასევე - რეგიონების მიხედვით;

• საჭიროების შემთხვევაში პირადი კაბინეტიდან შეძლებ ახალი პაკეტის ყიდვას;

• პირადი კაბინეტიდან ასევე შესაძლებელია სასურველი რაოდენობის eSIM-ის დამატება.

შეჯამება

იმედი გვაქვს, ჩვენი რჩევები გადაწყვეტილების მიღებაში დაგეხმარა. არ დაგავიწყდეს, რომ mobineX-ის გუნდი ყოველთვის მზად არის ნებისმიერ დამატებით კითხვაზე გაგცეს პასუხი. საჭიროების შემთხვევაში, შეგიძლია მოგვმართო სოციალურ ქსელებში, ელექტრონულ ფოსტაზე - INFO@MOBINEX.GE ან დაგვირეკო ცხელ ხაზზე (+995322040050). გისურვებთ წარმატებულ, პროდუქტიულ და სასიამოვნო მოგზაურობას!