პაკეტები
ჩვენი სერვისები
ჩვენ შესახებ
2024 mobineX-ისთვის სიახლეებით იყო დატვირთული. წელს ჩვენი სერვისები მეტად მრავალფეროვანი და კომფორტული გახდა, გაიზარდა ჩვენი აბონენტების რიცხვი, შევიძინეთ პარტნიორი კომპანიები, რომლებთან თანამშრომლობის შედეგად ჩვენმა მომხმარებლებმა კიდევ უფრო საინტერესო შეთავაზებები მიიღეს. ახალი მწვერვალების დაპყრობასთან ერთად ახალ წინააღმდეგობებსაც შევხვდით, თუმცა ამასაც წარმატებით გავართვით თავი და გამოცდილებით მეტი რამ ვისწავლეთ. ცხადია, 2025 წელსაც გამოწვევებით ვხვდებით, რადგან წინ კიდევ დიდი მიზნები გველოდება. მანამდე კი, გვსურს, უფრო დაწვრილებით მოვუყვეთ ჩვენს ერთგულ აბონენტებს ამ წლის მიღწევებზე, რომელთა ნაწილიც თქვენც ხართ. ეს ყველაფერი შენი მხარდაჭერის გარეშე შეუძლებელი იქნებოდა.
წლის მთავარი მიღწევები
ამ წლის ერთ-ერთ მთავარ მიღწევად ჩვენი ფიზიკური SIM ბარათების დაფარვის არეალის გაფართოება უნდა გამოვყოთ. თუ აქამდე mobineX-ის ფიზიკური SIM-ებით სამოგზაურო ინტერნეტით სარგებლობა მხოლოდ ევროპის ქვეყნებში იყო ხელმისაწვდომი, ახლა უკვე მთელი მსოფლიოს მასშტაბით არის შესაძლებელი. ჩვენს აბონენტებს 2024 წლიდან შეუძლიათ სამოგზაურო ინტერნეტი გაიაქტიურონ, როგორც ფიზიკური SIM ბარათით, ისე ელექტრონული eSIM-ით ნებისმიერ დროს, ნებისმიერ ადგილას.
გარდა ამისა, 2024 წელს გამოვუშვით მობილური აპლიკაცია. ასე რომ, მომხმარებლებს რეგისტრაცია/ავტორიზაცია უკვე არა მარტო ვებგვერდიდან, mobineX-ის აპლიკაციის საშუალებითაც შეუძლიათ, რაც ჩვენს სერვისებს კიდევ უფრო მარტივად ხელმისაწვდომს ხდის. მობილური აპლიკაციის მთავარი უპირატესობა იმაში მდგომარეობს, რომ MB-ების შემოწმება/დამატებასთან ერთად შესაძლებელია ზარების მიღება-განხორციელება როგორც საერთაშორისო და ლოკალურ ფიქსირებულ, ასევე - მობილურ ნომრებზე.
ამ წელს კიდევ ერთი წინ გადადგმული ნაბიჯი იყო ულიმიტო ინტერნეტ პაკეტების დამატება. mobineX-ის აბონენტებს შეუძლიათ სასურველი პერიოდის განმავლობაში კონკრეტული რაოდენობის MB-ების მქონე პაკეტების გარდა, ულიმიტო სამოგზაურო ინტერნეტითაც ისარგებლონ. ამგვარად, მთელი მოგზაურობის განმავლობაში უწყვეტ კავშირს შეინარჩუნებენ და აღარ მოუწევთ მუდმივად MB-ების კონტროლი.
რამ განაპირობა mobineX-ის პოპულარიზაცია
2023 წელთან შედარებით 2024 წელს mobineX-ი 500%-იანი ზრდით ხურავს, რაც ჩვენთვის ძალიან სასიხარულო ამბავია. ამ წლის განმავლობაში ვეცადეთ ყველა მნიშვნელოვან ღონისძიებაში შეგვეტანა წვლილი და მხარი დაგვეჭირა mobineX-ის პოტენციური და უკვე არსებული აბონენტებისთვის. ამის მაგალითია, EURO2024-ის ფარგლებში მიმდინარე ჩვენი მასშტაბური აქცია. ყველას, ვინც გერმანიაში მიდიოდა, mobineX-ის აპლიკაციიდან 3GB გერმანიის ინტერნეტი და 90 წუთი სასაუბრო დრო ვაჩუქეთ. ამ ინიციატივამ ხელი შეუწყო კომპანიის ცნობადობის გაზრდას.
გარდა ამისა, mobineX-ის აქტუალობას სხვადასხვა სექტორში მოღვაწე პარტნიორი კომპანიებიც უწყობენ ხელს. სწორედ მათთან თანამშრომლობის შედეგია ის საინტერესო და მრავალფეროვანი შეთავაზებები, რომლებიც ძლიერ ახარებს ჩვენს აბონენტებს. ამ ყველაფერმა გავლენა იქონია სტარტაპის პოპულარიზაციაზე.
რა სიახლეები ელოდებათ აბონენტებს 2025 წელს
ჩვენ წლებია დიდი სურვილი გვაქვს ქართულ ბაზარზე შემოვიდეთ, როგორც MVNO, ანუ ვირტუალური ქსელის მობილური ოპერატორი და, ცხადია, 2025 წლის გეგმების სიაშიც პირველ ადგილს კვლავ ეს საკითხი იკავებს. ამას გარდა, აქტიურად ვმუშაობთ სხვადასხვა მიმართულებით. ამ პროექტების შესახებ ინფორმაციას ეტაპობრივად მოგაწვდით. ასე რომ, არ დაგავიწყდეთ, თვალი ადევნოთ ჩვენი სიახლეების გვერდს.
შეჯამება
mobineX–ი პირველი ქართული მობილური ოპერატორია, რომელიც დიდ ბრიტანეთში 2022 წელს დაფუძნდა. ინოვაციური იდეა სწრაფად იქცა რეალობად და თანდათან უფრო და უფრო დიდი მასშტაბები მოიცვა. mobineX-ის სამოგზაურო ინტერნეტით სარგებლობა დღეს უკვე მსოფლიოს გარშემო ნებისმიერ წერტილში არის შესაძლებელი. ჩვენ განვაგრძობთ განვითარებას და სამომავლოდ კიდევ უფრო მეტ სიახლეს ვპირდებით ჩვენს აბონენტებს. მადლობა, თქვენ, რომ აირჩიეთ mobineX-ი. იმედია, შემდგომ წლებშიც განაგრძობთ ჩვენთან თანამშრომლობას. ჩვენ კი ვეცდებით, არასდროს გაგიცრუოთ მოლოდინები.
