პაკეტები
ჩვენი სერვისები
ჩვენ შესახებ
მოგზაურობისას როუმინგ ინტერნეტისთვის mobineX-ი აბონენტებს ინოვაციურ eSIM ელექტრონულ ბარათებს სთავაზობს. თუმცა, ეს ერთადერთი არჩევანი არ არის. მომხმარებლებისთვის ასევე ხელმისაწვდომია ტრადიციული, ფიზიკური SIM ბარათებიც. ეს ალტერნატივა დღემდე ძალიან აქტუალურია და ჩვენი აბონენტების ნაწილი კვლავ აქტიურად სარგებლობს ამ შესაძლებლობით.
mobineX-ის მომსახურების წერტილები
თუ ფიზიკური მხარდაჭერა გჭირდება, mobineX-ის მომსახურების წერტილები ხელმისაწვდომია მთელი ქვეყნის მასშტაბით. ჩვენი SIM ბარათის აღება საქართველოს ნებისმიერ კუთხეში შეგიძლია. ბარათის მისაღებად სერვისცენტრში დიდხანს ლოდინი არ მოგიწევს. რეგისტრაცია ამ შემთხვევაშიც ონლაინ, დისტანციურად ხდება. წინასწარ უთითებ გაცემის სასურველ წერტილს, ადგილზე კი უკვე გამზადებულ ბარათს გადმოგცემენ.
mobineX-ის ძირითადი გაცემის წერტილები Inex Group-ის ფილიალებია. Inex Group-ის ფილიალებზე დეტალური ინფორმაციის ნახვა მათ ოფიციალურ ვებგვერდზე შეგიძლია.
mobineX-ის ფიზიკური SIM ბარათების შეძენა ხელმისაწვდომია შემდეგ ქალაქებში:
თბილისში (ქალაქის სხვადასხვა უბანში)
ქუთაისში
ბათუმში
გორში
ზესტაფონში
ზუგდიდში
თელავში
რუსთავში
ფოთში
mobineX-ის ფიზიკური SIM ბარათები
დანიშნულებით ფიზიკური SIM და eSIM ერთმანეთის მსგავსია. მოგზაურობის დროს ორივე მათგანი სტაბილურ და სწრაფ მობილურ ინტერნეტს გთავაზობს. ფუნქციურად ეს ბარათები იდენტურია, განსხვავება მხოლოდ მათ ფორმატში მდგომარეობს.
eSIM-ს ფიზიკურ SIM ბარათთან შედარებით რამდენიმე უპირატესობა აქვს:
eSIM-ის ჩართვა სერვისცენტრში მისვლის გარეშე, მარტივად ხდება.
აღარ გჭირდება ტელეფონის დაშლა, ძველი ბარათის ამოღება და ახლის ჩასმა.
ეს არის ეკომეგობრული არჩევანი, რადგან არ საჭიროებს პლასტმასის წარმოებას.
ამის მიუხედავად, ფიზიკური SIM ბარათი უნივერსალურია და მარტივად გამოიყენება ნებისმიერ მობილურ მოწყობილობაში.
როდის სჯობს ფიზიკური SIM ბარათის შეძენა
ფიზიკური SIM ბარათი უნდა აირჩიო მაშინ, როდესაც შენს ტელეფონს არ აქვს eSIM-ის მხარდაჭერა.
იმის გასაგებად, აქვს თუ არა მოწყობილობას eSIM-ის ფუნქცია, მიჰყევი ამ მარტივ ნაბიჯებს:
iOS (iPhone): შედი პარამეტრებში (Settings) -> მობილური მონაცემები (Cellular / Mobile Data). თუ ეკრანზე ხედავ ოფციას „eSIM-ის დამატება“ (Add eSIM / Add Cellular Plan), ე.ი. ტელეფონს აქვს eSIM-ის მხარდაჭერა.
Android: შედი პარამეტრებში (Settings) -> კავშირები (Connections) -> SIM ბარათების მენეჯერი (SIM card manager). თუ მენიუში არის ოფცია „eSIM-ის დამატება“ (Add eSIM), ე.ი. ტელეფონს აქვს eSIM-ის მხარდაჭერა.
თუ ეს ფუნქციები ტელეფონში არ იძებნება, ეს ნიშნავს, რომ მოგზაურობისთვის ფიზიკური SIM ბარათი გჭირდება.
შეჯამება
mobineX-ი ზრუნავს თითოეული მომხმარებლის საჭიროებაზე. მნიშვნელობა არ აქვს, თანამედროვე eSIM-ს აირჩევ თუ ტრადიციულ ფიზიკურ SIM ბარათს. ხარისხიანი და სტაბილური ინტერნეტი მოგზაურობისას გარანტირებული გაქვს. გაიარე რეგისტრაცია დისტანციურად, აიღე ბარათი შენთვის ახლოს მდებარე ლოკაციაზე და იმოგზაურე მშვიდად და დაცულად.
