“სიახლე mobineX-ისგან: ჩვენი ფიზიკური SIM ბარათით სარგებლობას უკვე მსოფლიოს ნებისმიერ ქვეყანაში შეძლებ”

mobineX-ი განაგრძობს თავის აბონენტებზე ზრუნვას და კიდევ უფრო მეტი კომფორტისთვის ამჯერად ახალი შეთავაზებით გიბრუნდებით. თუკი აქამდე ჩვენი ფიზიკური SIM ბარათები მხოლოდ ევროპის მასშტაბით ფუნქციონირებდა, ახლა უკვე მათ გამოყენებას მსოფლიოს ნებისმიერ კუთხეში შეძლებ. როგორ? ამას დღევანდელ ბლოგში გაიგებ. მანამდე კი თვალი გადავავლოთ, რა არის mobineX Travel SIM-ი და რა უპირატესობები შეიძლება ჰქონდეს მოგზაურობისას. 

mobineX Travel SIM-ის შექმნის ისტორია

MobineX-ი სტარტაპ კომპანიაა, რომელიც 2022 წელს დიდ ბრიტანეთში დავაფუძნეთ. ინოვაციური იდეა სწრაფად იქცა რეალობად და თანდათან უფრო და უფრო დიდი მასშტაბები მოიცვა. ქართული ვირტუალური მობილური ოპერატორის სერვისებით სარგებლობა დღეს უკვე უპრობლემოდ არის შესაძლებელი მსოფლიოს გარშემო ყველა რეგიონში. 

ჩვენ წვდომა გვაქვს ყველაზე სტაბილურ საერთაშორისო მობილურ ოპერატორებთან. რესურსების მაქსიმალურად ათვისების მიზნით, შევქმენით mobineX Travel SIM-ი, რომელიც მოგზაურობისას შენი ყველაზე სანდო პარტნიორი იქნება. 

რატომ უნდა შეიძინო mobineX-ის SIM ბარათი

ფიზიკური SIM-ის შეძენის შემთხვევაში, შენ შეგიძლია ისარგებლო საუკეთესო ინტერნეტით მსოფლიოს მასშტაბით. იმ ქვეყნებში, სადაც არის 5G სიხშირე, ჩვენი მომსახურებაც ამ სიხშირეზე იმუშავებს. აქამდე ელექტრონული eSIM-ებისგან განსხვავებით, ფიზიკური ბარათები მხოლოდ ევროპის მასშტაბით ფუნქციონირებდა, თუმცა ამიერიდან არც ეს წარმოადგენს დაბრკოლებას. ჩვენი სიახლე ალბათ განსაკუთრებით გაახარებს მათ, ვის მობილურ ტელეფონსაც eSIM-ის მხარდაჭერა არ აქვს და ამიტომ ფიზიკური ბარათით უწევთ სარგებლობა. 

როგორ შეიძენ ფიზიკურ SIM ბარათს

mobineX-ის ფიზიკური SIM-ის შეძენა მარტივი და მოსახერხებელია. რეგისტრაციისას ვებგვერდზე ირჩევ სასურველ პაკეტს, იხდი MasterCard ან VISA ბარათით და თავად წყვეტ, როგორ მიიღებ SIM-ს (საკურიერო მომსახურებით თუ ჩვენი მომსახურების წერტილიდან). SIM ბარათის ღირებულებაა 5 ლარი, ხოლო საკურიერო მომსახურების არჩევის შემთხვევაში, ტრანსპორტირების 5 ლარიც დაემატება. ბარათს შეკვეთიდან მომდევნო სამუშაო დღეს მოგაწვდიან. თუ გირჩევნია, ბარათი თავად წაიღო, რეგისტრაციის დროს მონიშნე „ჩემით წავიღებ“ და აირჩიე ჩვენი მომსახურების წერტილებიდან შენთვის სასურველი. თუ აქამდე არ იცოდი, გაცნობებთ, რომ ჩვენი ფილიალები განლაგებულია არა მარტო თბილისში, საქართველოს სხვა დიდ ქალაქებშიც. პირადი კაბინეტიდან შეგიძლია შეამოწმო დარჩენილი MB-ები, დაიმატო ახალი SIM ან შეიძინო დამატებითი პაკეტი. სამომავლოდ თუ აბონენტი eSIM-ის შეძენას გადაწყვეტს, რეგისტრაციის გავლა თავიდან აღარ მოუწევს და იმავე კაბინეტიდან შეძლებს ახალი eSIM-ის დამატებას. გადადი ბმულზე და შეარჩიე სასურველი პაკეტი ქვეყნის ან რეგიონის მიხედვით. 

შეჯამება

MobineX-ის ფიზიკური SIM ბარათი კიდევ უფრო მეტი აბონენტისთვის იქნება ხელმისაწვდომი, რაც ნიშნავს, რომ კიდევ მეტ ადამიანს შევუქმნით კომფორტს საზღვრებს მიღმა მოგზაურობისას. Travel SIM-ი აერთიანებს ინოვაციურ ტექნოლოგიებსა და მოგზაურებისთვის აუცილებელ საჭიროებებს, რაც საშუალებას გაძლევს, გქონდეს უწყვეტი კავშირი მსოფლიოს ნებისმიერ კუთხეში. მარტივი სარეგისტრაციო პროცესი, კონკურენტუნარიანი ტარიფები და 5G მხარდაჭერა ჩვენს პროდუქტს უნიკალურს ხდის. ჩვენ გვჯერა, რომ სადაც უნდა იმყოფებოდე, mobineX Travel SIM-ი შენი მოგზაურობის სანდო პარტნიორი გახდება. შეარჩიე შენთვის სასურველი პაკეტი დღესვე და ისარგებლე mobineX-ის სერვისებით ყველგან, სადაც შენი გულისთქმა მიგიყვანს!