პაკეტები
ჩვენი სერვისები
ჩვენ შესახებ
mobineX-ის სამოგზაურო ინტერნეტით სარგებლობა მთელი მსოფლიოს მასშტაბით, მათ შორის, ევროპაშიც არის შესაძლებელი. ჩვენც ვცდილობთ მომხმარებლებს მრავალფეროვანი არჩევანი შევთავაზოთ, რათა ნებისმიერი საჭიროებებისა და პრეფერენციების მქონე ადამიანმა იპოვოს თავისზე მორგებული საუკეთესო ალტერნატივა. დღევანდელ ბლოგში დაწვრილებით მიმოვიხილავთ ჩვენი ინტერნეტ პაკეტების კატალოგს. მათგან რომელია საუკეთესო ვარიანტი ევროპის ქვეყნებში სარგებლობისთვის? ამ კითხვაზე პასუხის გასაცემად რამდენიმე მნიშვნელოვანი საკითხი უნდა განვიხილოთ.
რა უნდა გავითვალისწინო ინტერნეტ პაკეტის შერჩევისას
ინტერნეტ პაკეტის შერჩევისას, პირველ რიგში, საკუთარ საჭიროებებზე უნდა დაფიქრდე. mobineX-ის სერვისები მოიცავს როგორც სტანდარტულ, ასევე - ულიმიტო პაკეტებს, რომლებიც ხელმისაწვდომია ცალკეული ქვეყნებისთვის, რეგიონებისთვის ან საერთაშორისო გამოყენებისთვის. ასე რომ, შენი სასურველი ლოკაციის მიხედვით კონკრეტულად ამ ადგილისთვის შესაბამის ოპტიმალურ შეთავაზებას იპოვი.
ასევე მნიშვნელოვანი ფაქტორია დროც. რამდენი ხნით აპირებ საზღვარგარეთ დარჩენას? MB-ების რაოდენობაც ამის შესაბამისად უნდა შეიძინო. ევროპაში სამოგზაუროდ ჩვენთან ხელმისაწვდომია 3, 7, 14, 15, 30-დღიანი როუმინგ ინტერნეტი. ასევე შეგიძლია ისარგებლო ულიმიტო პაკეტით, რომელიც ერთ-ერთი ყველაზე კომფორტული და სანდო ალტერნატივაა. ამგვარად, აღარ მოგიწევს MB-ების კონტროლი. საფასურს კი დღეების მიხედვით გადაიხდი. დაფიქრდი, რომელი ვარიანტი იქნება შენთვის ყველაზე შეღავათიანი. დაბოლოს, აუცილებლად დაუსვი საკუთარ თავს კითხვა - ძირითადად რისთვის დაგჭირდება ინტერნეტთან კავშირი? მუშაობისთვის, კომუნიკაციის მიზნით, უცხო ქუჩებში გზების გასაკვლევად თუ რაიმე სხვა მიზეზით? ამ ფაქტორების გათვალისწინებით შენზე მორგებულ პაკეტს შეარჩევ.
mobineX-ის ინტერნეტ პაკეტები
mobineX-ის ინტერნეტ პაკეტების შეძენა ფიზიკური SIM ბარათისა და ელექტრონული eSIM-ის სახით არის შესაძლებელი. ორივე მათგანი ფუნქციურად მსგავსია. განსხვავება მხოლოდ მათ ფორმაში მდგომარეობს. ჩვენი SIM და eSIM ბარათების გამოყენება თავისუფლად შეგიძლია მთელი ევროპის მასშტაბით. იმ ქვეყნებში, სადაც არის 5G სიხშირე, ჩვენი მომსახურებაც ამ სიხშირეზე იმუშავებს. რეგისტრაცია უმარტივესია - ჩვენს ვებგვერდზე ირჩევ სასურველ პაკეტს და იხდი MasterCard/VISA ბარათით. პაკეტების გააქტიურების შესახებ ზუსტ ინფორმაციას პაკეტების აღწერაში ნახავ. საჭიროების შემთხვევაში, პირადი კაბინეტიდან შეძლებ ახალი პაკეტის შეძენას. პირადი კაბინეტიდან ასევე შესაძლებელია სასურველი რაოდენობის eSIM-ის დამატება.
ფიზიკური SIM ბარათი თუ ელექტრონული eSIM?
ჩვენს აბონენტებს შორის განსაკუთრებით დიდი პოპულარობით სარგებლობს ელექტრონული eSIM ბარათები. მიზეზი მათი კომფორტულობაა. eSIM-ის გააქტიურება მარტივად არის შესაძლებელი ჩვენი საიტიდან ან მობილური აპლიკაციით. შესაბამისად, არ გიწევს ლოდინი და სერვისცენტრში უშუალოდ მისვლა, რათა ბარათი გამოიტანო. გარდა ამისა, აღარ გჭირდება ტელეფონის დაშლა, ბარათის ამოღება და ახალი ფიზიკური ბარათის ჩასმაც. შეგიძლია ულიმიტო eSIM-ების გააქტიურება და საჭიროების შემთხვევაში ოპერატორების სწრაფად შეცვლა. ეს განსაკუთრებით პრაქტიკულია იმ შემთხვევაში, თუ ევროპის რამდენიმე ქვეყანას აპირებ ესტუმრო.
შეჯამება
mobineX-ის ინტერნეტ პაკეტების მრავალფეროვნება უზრუნველყოფს, რომ ნებისმიერი საჭიროების აბონენტმა შეარჩიოს თავის საჭიროებებზე მორგებული შეთავაზება, რომელიც ევროპაში მოგზაურობისას უწყვეტი კავშირის შენარჩუნებაში დაეხმარება. გადახედე ჩვენს კატალოგს და იპოვე შენთვის საუკეთესო ინტერნეტ პაკეტი.
